So weer Kalle Pieper

Plattdeutsche Geschichten

Wenn Kalle Pieper im Gasthuus Offen achtern Tresen stunn, weer de Welt noch in Ordnung.

25 Johr hett he fröh morgens för de Post de Pakete utföhrt un dorbi Spoß mokt.
He keem to de Lüüd, smitt dat Paket den Empfänger mit den Spruch „per Luftpost“ to un lacht de Lüüd fründlich an. All hebt sik freit.

He weer ab Middag Landwirt, meiht de Wischen un versogt dat Veh, as wenn dat sien Kinner weern.

Achterran trek he sien Ledderschört um, steit achtern Tresen, kennt sien Gäst mit Vörnom un weet, dat se Dörst hebbt, schenkt dat Beer all vör, neben sik een fründliche Kellnerin, de de Bestellungen för de Köök obnimmt.

In de Köök hett sien Froo deftiges Eten in Pott un Pann all fardig.

Keen schall hungrig no Huus gohn.
He geiht von Disch to Disch, frogt, ob allns in Ordnung is, harr för mancheen een lütten Spruch ob de Lippen.

Bi`t Betolen harr he een lütten Zettel wat verzehrt worden is, nimmt den Bliestift un rekent dat tosomen, nimmt dat Geld un smitt dat in de Kass.
Kiek mol wedder in un kommt good ob ju Gehöft.
De Kinner kreegen noch een Lolli mit ob den Weg.

Twischedörch hett he veel von de Lüüd mitkreegen, he kennt sien Gäst, frogt, wo geiht dat juch un de harrn denn dat Geföhl, se sünd hier as Frünnen bedeent worden.

Eenmol weer een grote Geburtsdagsfier ob den Sool. Kalle stellt dat Beer ob den Disch un frogt, ob allns in Ordnung is.
Achteran segt de Froo, de Geburtsdag harr, wat is de Mann flietig, morgens bringt he mi dat Postpaket un helpt hier obens noch im Gasthuus ut.

Ok mit sien Gäst mokt he un sien Froo groote Radtourn in Bayern, dor weer he in sien Element, kiekt wo annerwegens de Wirtshüüser löpt, weer an allns interessiert, weet veel geschichtlich öber Schlösser un Burgen un kiekt sik genau dat Veh ob de Wischen an.

Morgens Klock 8 ward fröhstückt, Klock 9 warrd obsattelt un Klock 11 warrd inkehrt, de Weißwürstchen schmeckt dann allerbest. Obens warrd in een uriges Gasthuus utspannt, denn lot he sik bedeen.

He snackt mit de Wirtslüüd bi een Humpen Beer un sorgt för een goode Stimmung. As sien Froo ob de Tour Geburtsdag harr, bestellt he Blomen un Dorfmusiker, he lett se hochleben, snackt dorvon, dat se de Allerbeste is un danzt denn ob de Deel.

No 25 Jorhn hört he ob bi de Post.

He investeert in sien Gasthuus:
Lütte Anbou, nee groote Köök, nee WCs, nees Dag ob, allns een beeten schiker un beder. Umbau ünner vollen Bedriev.

Dat geiht allns mit gooden Willen un Homor. Wo dat im Sool bi`t Dachdecken dürchleckt, hett he een Blomputt hinstellt. Wo dat im WC dürchleckt, hett he de Damen mit een Regenschirm, beschützt un een lütte Spruch op de Lippen. Ok doar weern de Gäst heel tofreeden.

An Sommerobenden bi Mondschien sett he sik vör dat Huus ob de Bank, mokt sien Snack un grüßt all de Lüüd, de vörbigoht.
Wat hett de Mann veele Stünden mit Spoß arbeit. Veel Sloop hett he nich kreegen.
Nu mot man seggen, he harr een erfülltes Leben.

All hebbt sik wünscht, he schull 100 Johr old warden un sünd trurig, dat he vör sien 80. Geburtsdag dot bleeben is.
Sien Familie, Froo, Kinner un Enkelkinner hebbt veel von em un waard in sien Sinne wiedermoken.

All wünscht se ehr dorbi veel Kraft un Toversicht

Wie dankt uns bi Kalle Pieper för all de schönen Stünden mit em.

Hinni Jürjens